حديقة الموت

سمعت قبل كدا عن حديقة الموت ؟؟

ممكن تكون دي اغرب وأخطر حديقة هتسمع عنها لأن اللي بيدخلها ممكن ميخرجش منها تاني وهو لسه حي .

حديقة السموم (The Alnwick Garden) احنا متعودين ان الحدائق مكان بيكون دايما للاستمتاع بالطبيعية وسط الاشجار والزهور لكن حديقة السموم مكان مرعب في اي لحظة وانت فيها ممكن لو لمست اشجارها ونباتاتها تموت ومش بس باللمس ده فيها انواع من النباتات لو استنشقت ريحتها هتتسمم وتموت في الحال .

• 

• 

• 

• 

• 

• 

• 

• 

• 

• 

• 

• 

ألنويك Alnwick

حديقة السموم ألنويك Alnwick موجودة فى بريطانيا بولاية ألنويك فى نورثمبيرلاند وهى واحدة من أكبر الحدائق العامة هناك و تعتبر جزء من الحديقة الكبرى الملحقة بقلعة ألنويك ، وتم عزلها عن الحديقة الكبرى بجدار بيحيطها من كل الجهات وبوابة مقفولة دايما علشان خطورة النباتات اللي فيها .

قلعة ألنويك اتبنت من 900 سنة وتعتبر تاني أكبر قلعة فى بريطانيا ، فى مقاطعة نورثمبرلاند فى أقصى شمال شرق إنجلترا ، وبيزورها 800 ألف شخص كل سنة , مساحة حديقة قلعة ألونيك 162 ألف متر مربع و حديقة النباتات السامة تعتبر جزء صغير من مساحة قلعة ألونيك الأجمالية ، وأتسمت بحديقة السموم علشان فيها مجموعة من النباتات تعتبر الأكثر سميه وخطورة علي كوكب الأرض .

نباتات الحديقة

حديقة السموم فيها 100 نوع من المخدرات غير المشروعة زي الخشخاش ، ونبات الكوكا اللي بيستخرج منه مخدر الكوكايين و نبات اللفاح البلادونا السام ونبات السم الجوزى اللي بيستخدم لاستخراج سم الأستريشينين ونبات الاستركنين ونبات ست الحسن وده نبات لو كلت ورقة واحدة منه هتموت فورا .

في كمان نبات الهوجويد العملاق واللي بينمو لأرتفاع 2 متر تقريباً وده نبات شديد السمية ولو لمس جلدك هيحرقك ولو نجيت من الموت اثارة علي جلدك هتختفي بعد 7 سنين ، ونبات الداتورا اللي لو لمسك هيخليك تنام وتدخل في غيبوبة ومش هتفوق تاني لحد ماتموت .

ونبات الشوكران شديد السمية لدرجة أن ريحته السامه بس ممكن تقضي عليك ، وكان الإغريق بيستخدموا عصير الشوكران لإعدام المجرمين والمعارضين السياسيين ، و بعض المصادر بتقول أن الفيلسوف اليوناني الشهير سقراط اعدم بإجباره على شرب عصير الشوكران .

الحديقة والجمهور

السبب من وجود الحديقة هو تثقيف الجمهور وتعريفهم بالنباتات السامة علشان يخدوا بالهم ويكونوا عارفين الانواع السامة ويبعدوا عنها ،.. وشعار الحديقة السامة هو (لا للمخدرات) و الحديقة فيها فريق من المرشدين لمرافقة الزوار لتعريفهم على النباتات السامة واستخداماتها ومدى خطورتها .

في كل مكان في الحديقة لافتات تحذيرية مكتوب عليها ممنوع اللمس ، ممنوع الشم ، ممنوع قطع النباتات وموجود لوحات تحذيرية في مدخل البوابات مكتوب عليها (هذه النباتات قاتلة) ، وعلشان يضمنوا سلامة الجمهور قسم المراقبة فى الحديقة بيقوم بحراستها ومراقبتها ٢٤ ساعة ، وهتلاقي هناك سياج حديدى حولين بعض النباتات الخطيرة لتجنب حوادث التسمم أو سرقة النباتات لاستخدامها في صنع المخدرات .

تاريخ الحديقة

الحديقة لها تاريخ عريق وكان في أهتمام كبير بيها في فترة حكم دوق نورثمبرلاند . لكن بعد الحرب العالمية الثانية مكنش حد مهتم بيها ، لحد ما قامت دوق نورثمبرلاند ين بيرسى بتجديد واصلاح الحديقة بعد ما رجعت لها سنه 1996 .

وده كان بغرض التعريف بأهمية النباتات واستخدامتها في صناعة الأدوية وعلاج الامراض والتعريف بالنباتات اللي بتموتواللي بتستخدم في صناعة المخدرات ، من خلال الحديقة ، ونثقفهم عن مساوئ المخدرات وعن مساهمات علم النبات فى تطوير الأدوية .

استوحت الدوقة فكرة الحديقة من حديقة سامة بالقرب من بادوفا بايطاليا أساستها عائلة ميديشي لقتل أعدائها بطريقة غير مألوفة عن طريق الزهور السامة .